熊黛林與Angelababy（Baby）正忙於拍攝黃百鳴新片《花田囍事2010》，演員還有古天樂、吳君如及鄭中基等，製作一絲不苟！片中飾演公主的熊黛林及Baby，其公主造型花了不少時間及心思，單單是試造型，二人已花了足足六小時。
Baby坦言喜歡片中的公主造型之餘，更鍾情所穿的鞋，她說：「其實今次個公主造型好啱我嘅年紀，可愛得嚟不失佻脫，而且啲鞋我特別鍾意，唔止可以襯古裝，着Casual Wear又得，老闆應承拍完之後會將所有嘅鞋都送晒畀我！」而首次拍古裝的熊黛林，亦坦言喜歡其公主造型，並大讚造型冷艷之餘，又不失貴氣！
