日前郭富城以「普通朋友」稱呼王秀琳（Mango），昨晚她出席《Ed Hardy太陽眼鏡派對》時全程笑晒口，輕鬆回答記者提問，似未受城城的「諗多咗」言論影響，但她否認「諗多咗」，更直言「郭生諗多咗」！
記：記者 M：Mango
記：有冇留意郭富城嘅回應？
M：有睇！
記：話你係普通朋友喎！
M（保持笑容）：普通朋友都係朋友！（咩 程度？）咪普通朋友囉！
記：郭富城話你諗多咗？
M（不解反問）：諗多咗啲乜？（大家有發展機會。）冇諗過，可能係你哋寫多咗！
記：會唔會再聯絡？
M：唔想再講，今日講完之後唔會再講！
記：仲有冇朋友做？
M：其他嘢唔想講。（Hurt到你？）我好開心今日有工作，我以開心、輕鬆心情到場，搞清楚件事，唔想再講。
記：影響同城城友誼？
M（語氣堅定）：唔會咁易受影響！（再約出嚟？）唔講呢啲！
Mango拒絕回應城城揀Lynn，而不揀她，並以城城「諗多咗」名句回贈對方！
記：城城揀Lynn唔揀你？
M（大發嬌嗔）：唔講呢啲！你哋寫嘅，我冇講過，呢個係大誤會，令郭生諗多咗！
記：介唔介意同城城同台工作？
M：唔怕，愈多工作愈開心！
記：緋聞博宣傳？
M：少講呢啲嘢，問到先禮貌回答，今日講過唔再講，對大家都好。
記：同城城劃清界線？
M（一臉認真）：冇講過。
記：會唔會再搵城城？
M：邊個搵邊個都好，冇所謂！
記：Lynn話終於搞清楚？
M（嘴嘟嘟）：係囉！終於開心晒！