本文重點
荷里活女星妮歌潔曼曾與湯告魯斯結婚10年,她近日自爆曾試怪癖性生活,但難耐沉悶的婚姻生活!
妮歌成為英國版《GQ》雜誌12月號的封面人物,她接受訪問時大談感情生活,人生中曾探索不同形式的愛,更暗示與靚佬湯的婚姻沉悶,兼曾有怪癖的性生活:「我試過迷戀、極度悲哀嘅愛同失去,亦試過SM,經歷過世俗嘅一夫一妻婚姻!」現年42歲的她,90年與靚佬湯合作《雷霆壯志》訂情及火速結婚,雖然當年的經理人公司極為反對,擔心會影響事業,但妮歌坦言當時只知愛情,明白自己不為出名,只想與自己迷戀的男人一起生活。不過她在訪問中承認:「我出名係因為我成為咗某人嘅太太!」
再婚感覺刺激
因為兩次流產,促使妮歌與靚佬湯領養兩名子女,可惜最後仍離婚收場。妮歌06年與Keith Urban再婚,並於去年誕下女兒Sunday Rose,她形容第二段婚姻既「原始」又「危險」,就像出到海中心,可能會被淹沒!對於現代人愛在網上分享,她不敢苟同,更指可以經常知道別人心思不是好事,又指不應窺看他人的日記:「再婚後,我將過去大部分日記都燒咗,因為當中搵到嘅都係壞東西!」
另外,德國版的《GQ》雜誌前日舉行《年度男士頒獎禮》,男星謝勒畢拿、歌手Bob Geldof及時裝設計師Tom Ford亦有份出席。

