小小So：Mani，今次成30幾個明星同場出現，認真勁！

Mani： 「全家福」當然唔可以係合成照，梗係要一齊影先夠氣勢。好多藝人都喺內地拍戲、拍劇，有啲喺外國度假，要Call齊人真係好辛苦，要賣好多人情債向劇組攞人！

小小So：齊人你就安樂啦！

Mani：度期都唔夠衣着煩惱，叫佢哋着得隆重呢，又怕變咗個個黑麻麻，後來改成Party服飾，但又怕喺草地上影相嗰陣，個個着到紅紅綠綠「黐」晒地，變晒隱形人。

小小So：結果點搞呢？

Mani：要幫佢哋每一個諗着咩顏色，甚至要幫佢哋搵埋衫，好似霆鋒嗰日搭飛機到埗即刻趕嚟影相，所以叫佢着白恤衫最穩陣。