「解凍」有望的尹蓁晞(Yumi)十分貪靚,求學時已偷偷化妝上課,而睡衣與內衣更堅持要喱士款式!
飲食題
問:試過用咩方法減肥?最嚴重減到咩程度?
答:試過節食減肥,最輕100磅。
問:有冇偏食習慣?
答:有!最怕食肥豬肉,食咗會嘔。
解說:可能因為我貪靚啦!一見到肥少少嘅肉就會唔開胃,所以好易減肥成功!不過,回想當年得100磅嘅樣,又好似真係瘦得滯,但塊面就減極都圓圓哋。
生活習慣題
問:開燈瞓定熄燈瞓?
答:開燈瞓,因為開燈有安全感。
問:會唔會攬住公仔先瞓得着?
答:我好鍾意攬住毛公仔瞓。
問:鍾意着便服、公仔睡衣定性感睡衣瞓覺?
答:我一定會買性感睡衣。
解說:我着其他衫瞓唔着o架!可能因為性感睡衣通常都係絲質,着起上嚟舒服啲,所以着住好瞓啲啩!我鍾意攬住毛公仔瞓都係呢個原因,就係貪佢質地舒服,細細個仲係冇毛公仔瞓唔着添!
童年篇
問:有冇試過畀學校記缺點?或者畀訓導主任訓話?
答:有,以前返學有化妝,畀訓導主任記缺點。
解說:依家諗番起,都覺得自己以前唔啱,但天生貪靚冇辦法!記完缺點後,我唔敢再化喇!
個人習慣題
問:着底褲喜歡淨色、卡通圖案、喱士、豹紋定花花?
答:我鍾意着喱士底褲。
問:覺得自己係咪購物狂?
答:唔算,但我成日買高踭鞋。
問:係咪見到鏡就會撲埋去照?
答:我見到鏡一定會照。
問:最着重保護身體或面部邊一個部分?
答:我最着重腳部護理。
解說:腳部護理對我嚟講好緊要,因為我成日着短褲,鍾意買高踭鞋都係呢個原因,因為着咗對腳會更靚囉!