昨日Shino接受電台訪問時說：「有個黑道中人打畀我，話有我份唱片合約，之後約佢見面，真係見到手寫嘅轉讓書，好彩警方咁啱破獲地下錢莊，發現我份唱片合約，之後傳召我返警署問話，由於份合約係證物，所以依家喺檢察官度。（經理人合約？）『東映放送』執咗笠，所以歸番自己。」她坦言會盡快請律師處理好唱片合約：「一日唔搞掂都冇人會幫我出碟。（經濟有問題？）要不停搵工做，未夠還錢畀之前撞死護士嘅家人，要還到2011年，每年還100萬元新台幣（約25萬港元），今年都唔知點還！」