陳偉霆（William）昨日與穿低胸裝的陳法拉出席活動，兩人即場試食新口味薄餅，William透露見過法拉在劇中豪邁露Bra一幕，大讚對方突破又大膽，他說：「今日唔敢斜視，覺得法拉好性感惹火，係性感尤物！」
最近他夥拍周慧敏演情慾戲，當得知與對方生日只相距一日，更有可能齊於工作中度過時，他即流口水表示高興，問到會否於當日拍床戲，他即說：「嘩！期待呀，係我最大嘅生日禮物！（流鼻血？）差啲忍唔住，拍一幕食飯戲嗰陣，佢着住低胸裝做啲挑逗動作，我仲同佢講唔好哄咁埋，小弟個心就快跳出嚟！」此外，前晚William出席電影《關人7事》首映時透露，兩人合演的新片名叫《得閒炒飯》（暫名），他驚悉「炒飯」在台灣解作「做愛」時說：「唔怪得之啦！」他直言是新人，擔心控制不到生理反應。
至於法拉表示其性感服裝價值達五位數字，故試食時格外小心，並透露最近忙於準備台慶，將再次大顯舞藝。