小方、Stephy及高海寧等昨日出席無綫《善心滿載仁愛堂》記者會，席間高海寧被安排與李蘢怡及周美欣等，穿上性感晚裝示範當晚義賣的鑽飾，場面養眼，剛巧擁有「巨咪」的高海寧站在「微波」Stephy身旁，可謂「大細立見」，問到是否有壓迫感？Stephy笑說：「有少少o架！想望又唔敢望，原來女仔都會咁。（羨慕？）唔會！呢啲係天賦，我由細到大冇想過要個胸咁大，細啲型啲！讀書時見大胸女仔做運動好辛苦，覺得唔係咁方便。」

說畢她指着站在旁邊發呆的方力申大叫，醋意十足地踢爆他跟高海寧熟落：「佢成日提住佢o架！佢同高海寧熟啲，話佢身材勁喎！」原本只擔天望地的小方即被嚇親，口窒窒地說：「我係話佢工作態度好，我哋之前出Trip去泰國，佢可以咁早起身拍成日嘢，我話佢好勁，係話佢好捱得咋！（佢今日都低胸？）係呀！啲鑽飾好吸引。（唔敢望？）敢嘅敢嘅！佢着得出嚟預咗畀人望啦！」

李蘢怡（左）及高海寧兩位好身材之人，十分好傾。	外籍模特兒行內衣騷晒身材，獲高海寧大讚。	陳倩揚（右）及高海寧均表示不會與男友一同揀內衣。

無意出性感月曆

高海寧透露性感服裝由公司安排，記者笑她搶了Stephy風頭，她說：「唔好咁講，佢係前輩，同佢合作過，佢好Nice。」雖然近期拍電影走性感路線，但高海寧表示無意效法周秀娜推出性感月曆，又自言亦會打功夫，希望大家看到其努力。另外，昨日她與陳倩揚欣賞內衣騷時表示不會戴胸圍睡覺，又稱不介意接內衣騷，至於陳倩揚則承認胸部不夠「可觀」，故會戴Nude Bra。