城城在酒會上風騷滿場飛，即將再做嫲嫲的狄波拉（拉姑）亦唔執輸，偕婷婷搶盡風頭！談及謝霆鋒親口證實太太張栢芝再懷孕，一臉雀躍的拉姑即自爆煲湯給新抱仔安胎，她笑說：「佢媽咪又煲，我又煲，栢芝平時唔食肉，但依家都有食！」問到栢芝是否懷雙胞胎，她說：「唔係好似，係仔佢又會再生，係女佢又會再生，樣樣都開心。新抱仔好鍾意小朋友，兩個都唔夠！」
婷婷陪媽咪出席活動前，與周汶錡、趙嘉懿及鄭希怡等出席時裝品牌Custo Barcelona活動，但對嫂嫂懷孕一事不欲多談，她說：「上次大家問我阿嫂係咪有咗，我話冇，之後公布話有，費事答唔係事實嘅答案。」談及男友安志杰，她即顯得大方得多，更自爆二人為將來有舒適生活而努力賺錢。
