好多人都知張繼聰好錫囝囝張瞻，成日陪囝囝玩，日子有功，連冧小朋友都有一手！小小So早幾日見到張繼聰同HotCha一齊探訪小學，啲小學生勁Buy張繼聰！小小So初時以為HotCha青春活潑，照計班小朋友會鍾意同姐姐玩，點知班小學生反應唔見好大，反而張繼聰唱歌時，不時做出古靈精怪嘅神情同動作，又扮卡通機械人跳舞，加上佢有又長又翹嘅眼睫毛，仲戴埋副有色隱形眼鏡，十足十個大公仔咁！當堂令台下嘅小學生起哄拍手係咁笑騎騎，睇嚟佢可以開拓兒歌巿場！
小小So讚張繼聰冧到小學生勁High，佢亦好開心話同小朋友相處最緊要當佢係Friend，對於囝囝未來揀小學，佢都係以囝囝開心學習行先：「我唔會畀壓力囝囝o架！」