本文重點
昨日有報道指薛凱琪（Fiona）的父親先後七次遭入稟追債，包括按揭、租金、律師費及手提電話費等。本報記者聯絡正在橫店拍劇的Fiona，她坦言爸爸看畢報道後已致電給她，並坦承欠債：「我哋有互相安慰，爹哋話係之前嘅事，依家處理緊，有時做生意有問題發生，就會有錢銀嘅轇轕！（有冇幫爸爸還錢？）我一向將賺到嘅錢交畀媽咪處理，自己冇過問！（欠債金額？）我冇特別問！相信父母會成熟處理。最唔開心係畀人話我充富貴門，我從來冇話過自己係有錢女，只係小康之家出身！」
年賺7位數
此外，Fiona的經理人兼舅父Peter表示，昨日跟Fiona通電話時聽到她在哽咽，問到Fiona有否問公司借錢？他說：「冇！佢舊年續約華納有7位數酬勞，每年收入亦有7位數！」而好友鄭融則大讚Fiona相當勤力，無論如何都會支持她。另外，Fiona早前為某服裝品牌拍攝廣告，演繹Dream of Space系列，席間她笑言想跟太空人談戀愛。
