貝安琪（Ankie）與母親劉香萍、周柏豪、鄭融及胡敏珊等前晚出席嬌蘭活動，有備而來的Ankie被問到與尹子維激咀一事，她只以好朋友及兄長來形容對方，問到「朋友」為何要激咀？她說：「當時有Mood。」問到是否其他朋友亦可，她卻斷言Say No。當晚他們更走入VIP房，劉香萍即代女兒解畫：「個個都有入去間VIP房，唔止佢哋兩個，我都喺度。」

尹子維與貝安琪激咀，相當親熱。

胡敏珊自言喜歡香水，自封香水小公主。

Ankie更不避嫌大讚尹子維：「佢幾靚仔、有天分，都可以諗吓。（佢係咪追你？）唔知，我哋經常一齊飲嘢食飯。」一向予人花弗形象的尹子維，在Ankie眼中卻是好好先生，她說：「唔覺佢係Playboy，佢好有修養，可能佢靚仔，好多女仔鍾意佢，我哋唔係

拍拖。」她又表示不清楚尹子維與楊淇的緋聞，還十分肯定地表示尹子維目前單身。

母親教擇偶重修養

而劉香萍自言開通，從不干涉女兒的事，問到身為公眾人物可覺得二人過火？她即指親嘴在歐洲十分普通：「試過有個導演嘅太太捉住我錫，咁樣係非常喜歡你嘅表現。（貝安琪錫到合埋眼，好Enjoy。）係咪啱啱眨眼咋？」她指女兒與尹子維的母親於同一個城巿出世，是互相認識的好朋友：「背景相同係好因素，但唔好拆散佢（尹子維）同其他美少女。識男友最重要係有修養，互相尊重，有冇錢唔重要，最重要係內涵。」