早前，「豆沙包」梁梓悠（前名梁懿晴、暱稱晴晴）狂插無綫監製錢國偉逼陪飯局，令無綫大動肝火，急召她「照肺」兩小時，前日下午約四時，晴晴由經理人Andrew陪同下乘坐保母車到將軍澳電視廣播城，離開時坦承被人「話兩句」，並承諾以後會慎言：「楊天命師傅幫我改名，都係希望我三思而行，但我都擔心性格難改！（驚畀TVB雪藏？）唔驚！經理人幫我解釋，我都係企喺出面，大人講嘢，自己係細路仔唔方便插嘴！」而Andrew則表示會好好「教女」，希望將來有機會再跟無綫合作：「多謝樂易玲小姐同何麗全先生咁大量，其實我同錢國偉都識咗好多年，有同佢講電話解釋件事！」