前日是每年一度的萬聖節，大批荷里活名人紅星空群而出扮嘢應節，當中最出位莫過於「獄海」名媛Paris Hilton與男友Doug，二人齊扮《綠野仙踪》的孖辮妹女主角多樂菲，惟其男友的反串造型實在嚇人！大前晚Paris與男友於比華利山Muholland Estates家中舉行萬聖節派對，由於參加人數太多，加上屋苑保安嚴密，導致60架車要排隊入內。Paris更被狗仔隊影到扯晒火爆粗，直指保安人員破壞其派對：「嗰啲係好重要嘅人，今次之後我會炒X晒所有人！」而派對開始之前，Paris亦以同一打扮帶同愛犬夢露，出席名嘴Jimmy Kimmel的清談節目。

Heidi與老公扮烏鴉

除了Paris之外，產後首次露面的Heidi及老公Seal齊搽黑面扮烏鴉現身，而八卦教主Perez Hilton亦唔執輸反串扮好友Lady GaGa，此外佐敦與男友Alex亦扮鬼扮馬出席萬聖節派對，佐敦扮豹妹，Alex則再次扮女人，效果果然驚嚇。另外，白靈、Gwen Stefani與兩位囝囝等，亦以不同造型參加萬聖節派對，而戴上假髮、真空扮已故普普藝術大師安迪華荷的白靈自爆，早前因裸睡差點被飼養的花豹咬走乳頭。