由馬時亨主辦的《喜悅之城》音樂會前晚在馬灣挪亞方舟舉行，邀得牧師Jaeson Ma、歐陽靖（MC Jin）與鍾舒漫表演，而吳建豪、韓國Hip Hop組合Jinusean成員Sean與Super Junior成員崔始源則專程來港演出。

望出福音碟

不少歌手以Rap歌傳福音，全場High爆勁跳之際，記者發現衞詩（Jill）亦在台邊扭腰狂跳，其後更走入人群，與崔始源及周家蔚等狂歡！薄施脂粉的她看來精神不俗，她說：「我覺得好多年輕人都有困難，我識Jaeson Ma，所以嚟支持。（唔上台唱歌？）我想認識多啲我嘅信仰，好羨慕Sean可以用音樂宣揚神嘅訊息，啲歌又好聽，如果有機會，我都希望出福音碟。」

問到關楚耀與台灣藝人Mika的親密床照，以及有否與對方聯絡，Jill煞有介事地說：「唔想Comment呢啲！」而她早前亦在Blog上公開與外籍型男的親密照，問到是否蜜運中，她即哈哈大笑，沒有正面回應，只說：「嗰個係我讀國際學校嘅朋友，識咗好耐。」