為亞姐決賽頒發「最完美體態大獎」的周秀娜，被指食兩家茶禮，參與無綫對撼亞姐的綜藝節目外，同時擔任亞姐頒獎嘉賓。於問題環節時，司儀以周秀娜在科大答得口啞啞的問題來考佳麗，但在台下的她不怒反笑，EQ爆棚！
事後她接受訪問時力撐佳麗質素平均，對於應屆亞姐經常用Nude Bra谷胸？她說：「用Nude Bra係依家着衫嘅最新Fashion，無可厚非！要用咪一齊用囉，我都有用！咁咪『滿城盡戴缽缽糕』囉！（有佳麗戴兩個？）吓！咁我唔知！（為咗谷到盡？）谷氣就有！谷胸就冇啦！（你食兩家茶禮喎？）兩個台都有紳士風度，我唔擔心會得失任何一方，我都冇收過投訴，相信佢哋會知我係為工作！」
