陳煒穿上由何國鉦設計的火紅色Deep V裙赴會，並戴上由伊勢珠寶贊助、共重四十多卡的紅寶石首飾，總值千多萬港元，她坦言與該贊助商多次合作，但從未試過佩戴如此貴重的首飾。對於有指她杯葛亞姐，她說：「我唔係杯葛，本來今日都約咗朋友食飯，係老公話要嚟！」她又澄清沒有批評亞姐準決賽侮辱女性：「我冇講過，係你哋講！我老公鍾意睇林宥嘉，專登嚟支持。（你唔介意老公睇啲佳麗？）睇到先算啦！性感嘅部位都遮住晒！（老公鍾意邊位佳麗？）佢冇留意，我鍾意(5)盛安同(16)王津津。（(18)劉伊心呢？）都係(5)同(16)。」問到若與曾被她批評講大話的劉伊心碰面時會否尷尬？她說：「我講嘅嘢只係同醫生角度一樣。」
至於大師姐黎燕珊亦穿上性感西班牙宮廷服：「不嬲亞姐嘅質素都好過港姐，所以我都着靚啲嚟！」問到有師妹戴兩個Nude Bra？她說：「啲人焦點成日放喺個胸，不過評判唔係傻，係會睇整體！」而筱靖則與袁小曼齊齊性感示人，問到有否戴多兩個Nude Bra？筱靖說：「我一個就夠！」而繼續「警鐘胸」的袁小曼坦言並非來挑戰師妹：「我不嬲都係咁！」
