幾位「美味天使」柑桔、香蕉（王淑玲）及蜜瓜（關婉珊），前晚相約到銅鑼灣出席萬聖節派對，擁34E「激凸」上圍的柑桔化身俏女傭，大玩女僕誘惑！而香蕉則穿上紅色爛絲襪騷長腿，吸引不少男途人圍觀。其後，無綫《美女廚房》監製錢國偉（Wilson）、排舞師Sunny Wong、素顏陳嘉容及「Sing之天使」菠蘿郭穎橋加入。

「噴血女僕」柑桔（左）與「俏水手」香蕉結伴出席萬聖節派對，大玩制服誘惑！	柑桔（左一）與香蕉（右二）造型突出，吸引途人合照。	香蕉與男Fans合照時嘟嘴扭蛇腰，十分識做。

Wilson最初未有刻意打扮應節，但當愈來愈多途人認出他，並「眼甘甘」望着他，他即時「冇面見人」，戴上面具及眼鏡。

唔怕傳是非

眾天使中以柑桔打扮最養眼，故深受途人歡迎，而她亦相當識做，一見Wilson即「自動波」上前陪他聊天，又「唧胸」擺甫士與他玩自拍，Wilson對其「熱情款待」顯然十分受落，不惜「降呢」為她揸機影相，柑桔即時俯身露出深溝任影！拍照之餘，二人還黐埋密密斟，完全沒有避忌。事後，問柑桔會否怕與Wilson玩得太埋而傳出是非，她說：「冇呀！唔驚喎！我約咗成班朋友去玩，原來佢哋都有約Wilson，咁咪一齊玩囉！」

錢國偉「降呢」揸機，柑桔即「自動波」俯身晒身材，難怪如此得寵。

攬腰自拍後，錢國偉與柑桔即重看照片，期間一直未有放手。