不打退堂鼓

事實上，《超》節目臥虎藏龍，孕育不少新星，唱功遠比時下部分所謂全職歌手更優勝，令「全職歌手」不得不反思，Prudence卻說：「我覺得開心喎！青出於藍、衝擊樂壇嘛！啲新星最好勁過學友、憶蓮，嗰時真係要為樂壇鼓掌，拍埋腳掌仲得，佢哋咁犀利，更加鞭策我哋要勤力，冇理由打退堂鼓或者原地踏步，反而要做得更好，堅守信念。」她慨嘆：「依家樂壇新人冇乜個性，唔可以突出自己。」而新一輩中，她對同門師弟Mr.印象深刻，並寄語：「我有問佢哋要錢定要性格？如果要錢，可以狂出唱片、喪去活動或者濫拍電影；要性格就要認真揀邊啲嘢係要做，見到呢班細路喺台上好投入演出，好似睇番自己以前咁！」

冇耐性授徒

《超》最近還爆出官恩娜及藍奕邦，Prudence說：「我都唔知官恩娜識唱歌，嗰晚聽完佢唱，覺得好好。」不少唱得之人如陳潔靈及麥潔文均教人唱歌，問她會否開班授徒？Prudence謙稱：「免喇！我冇乜耐性。」

自Prudence回流返港即工作不斷，更摘下首個金馬影后殊榮。相隔15年，她再推出新碟《Queen of Hardships》，寓意「荊棘王后」：「我唔係想稱王稱霸，但經得起考驗，我出名奄尖、嚴謹，可以Push（推動）到啲人做嘢，而且有話直說，只係對事不對人。」

已為三子女之母的潮媽Prudence，正與美日混血兒男友Steven打得火熱，雖在愛情路上曾歷波折，但她亦一一捱過，她亦坦承愛情至上：「一路都係，我鍾意童話故事。」

場地：君悅酒店咖啡廳

化妝：Kris

髮型：Gary Sun@Le Salon

服裝：Ann Demeulemeester

文：風、German　攝：吳文聰、李廣成