平日的一些不滿意見，加上一句「四肢健全都可以行Catwalk」，令人人都知道莊思敏（Jacquelin）「唔妥」o靚模，甚至男友吳浩康也取笑她經常留意她們的動態，十足「o靚模阿媽」。

放大圖片

放大圖片

捍衞老本行

現年29歲，身高5呎9吋的Jacquelin，入行八年，是馬來西亞拿督的千金，有一份高尚又專業的天橋職業，對於o靚模的種種見解，其實她只是想捍衞自己的老本行，並非刻意與她們「過唔去」：「老實講，你行性感唔關我事，但就好介意佢哋標榜自己係『模特兒』，而做啲非模特兒嘅嘢，其實Model嘅工作係幫助客人Sell產品，唔係Sell自己身材，搞到似AV女優多啲，如果自稱Model，唔該尊重番自己。」

一眾o靚模之中，Jacquelin直言最不清楚Lavina和Rainbow的實際工作，且句句寸到盡：「冇印象佢哋有咩模特兒工作，淨係記得佢哋低胸、短褲、走光，嚴格嚟講，模特兒走光係好唔專業。佢哋嘅出現，令我更加覺得呢行轉變，記得我入行嗰陣要接受正規訓練，上堂學行Catwalk，亦都有行規。」

私下有偈傾

早前周秀娜到科大演講，Jacquelin當時狂踩指她「外星人解構外星人」，但二人私下原來有偈傾：「好少傾工作，每個人選擇條路唔同，但問心，我唔認同。佢唔應該做模特兒，出太多副產品喇！（你話佢外星人？）不嬲話佢係，因為我講嘢佢有時會唔明，所以成日講笑叫佢返火星，地球好危險o架！」對於趙碩之擬出全裸寫真，她又不覺有問題：「唔覺佢係o靚模，佢比較高大，同埋以藝人身份入行，一出道走性感路線。」

唔心急結婚

與吳浩康（Deep）拍拖三年，最近有傳她密會「富貴版吳彥祖」男模黃千肯，Jacquelin否認移情別戀：「同佢係朋友，阿Deep都識佢，亦對我絕對信任。」她直言未有結婚打算：「等工作穩定再諗，生BB先需要結婚。（幾時生？）佢好鍾意小朋友，但生BB好大責任，供書教學，仲有教佢點做人，依家醫學昌明，40歲都冇問題。」