亞姐「胸」戰激烈，金句爆不停，劉伊心大爆後台胸「墊」奇景；阿Sa亦憑「大A」身材出位，本周金句王鬥得難分難解！
蔡卓妍（阿Sa）同一班比堅尼波女合照，平胸一族的她「批月爭」突圍外，更笑說：「我夠有啦！不過佢哋大D，我大A囉！」
解讀：阿Sa咁紅，自然充滿自信，根本唔需要鬥身材，不過如果係鋤大Dee，阿Sa嘅大A又真係夠晒大！
王希瑤力抗勁敵
曾經缽仔糕失守的王希瑤說：「唔一定上圍大先好，要均勻！」
解讀：講得啱，胸大唔一定有着數，至怕係波大冇腦，次次都只係識講按摩出風頭。
劉伊心爆後台料
劉伊心自認沒加墊谷胸，但踢爆有人出蠱惑：「聽到有人放兩個（缽仔糕）！」
解讀：劉伊心爆料明剃其他佳麗眼眉，心理戰取勝。
Kama借髮過橋
Kama被問是否人紅脾氣差時說：「唔覺自己紅，只覺頭髮黃！」
解讀：Kama可能唔係驚「髮黃」，而係驚冇嘢做而「發黃」！
鄧麗欣誇下海口
好多人見識過鄧麗欣的英文，但她竟說：「目標係打入荷里活！」
解讀：要進軍荷里活唔難，香港都有至少兩個同名商場畀佢闖。
Angelababy 出頭平反
個個o靚模都話闖日本之際，Angelababy就為Tokyo Fashion Week打頭陣，難怪佢經理人Kim話：「唔好再話o靚模行唔到大騷，依家Baby就行畀佢哋睇！」
解讀：Baby唔認係o靚模而自認潮模，但Kim都係想代佢出頭，寸爆自恃有高挑身材嘅模特兒唔夠佢砌！