早前有女Fans送上一張自製的唱片給Chita，她看見後感動得即時攬着對方「爆喊」，她說：「嗰時我仲未出EP《Make a love song》，只係將幾首歌派台，嗰位Fans好有心思，用我啲舊相同剪報整成一張CD，仲寫住『We love Chita』，我真係好感動，喊住多謝佢！」

歌詞集顯心思

Chita表示當日打開CD後，看見Fans用心製作的歌詞集，令她百般滋味在心頭，她說：「我等咗好多年先有機會出碟，冇諗過Fans仲緊張過我，喺我出碟前就送上呢份禮物，真係好開心，亦令我覺得自己等足咁多年，堅持做歌手嘅夢想冇白費。（有冇聽過隻CD？）入面係吉碟嚟o架！佢只係攞個意頭賀我出碟，好有紀念價值，真係好多謝佢。」