好多藝人為咗慳錢同慳時間，都會親自化妝。上屆港姐亞軍陳倩揚亦唔例外，由完全唔識化妝，經過一年時間磨練成為「老手」，佢仲同小小So自爆曾經貪方便去柔眉，好彩條眉漸漸褪色，唔係就成為一世烙印！
小小So：倩揚，你個妝化得好靚喎！
陳倩揚：自己化㗎！以前唔識化妝，但選完港姐之後，睇人化得多就學到嘢，試過去Ball嗰陣，有位太太問我個妝喺邊度化？真係好開心，連媽咪都話我模仿力強！
小小So：以前一啲都唔識？
陳倩揚：以前做空姐化得好求其，畫深條眉同搽兩片胭脂加唇膏就搞掂，我已經訓練到可以一邊化妝一邊搭車，可想而知化得幾差！
小小So：點解要咁趕？
陳倩揚：做空姐好多時都有突發Trip，成個妝最難搞係條眉，所以我試過去柔眉，諗住可以慳番啲時間，但柔眉始終有啲假，依家自己識畫就好好多啦！
小小So深明「世上只有懶女人，沒有醜女人」嘅道理，愈嚟愈靚嘅陳倩揚，就係其中一個好例子啦！