應屆亞姐評判陳煒、賴琳恩、姚佳雯及Ana R.昨晚悉心打扮出席準決賽，以身穿私伙Deep V裙的賴琳恩最性感，而大師姐陳煒則佩戴共值150萬港元的30卡藍寶石及40卡鑽石首飾，閃爆全場！問到將來會否支持女兒選美，煒哥說：「睇吓到時個社會先啦！可能已經冇咗選美呢！」
至於與姚佳雯孖住出席的賴琳恩坦言身材經「加工」：「今日戴咗Nude Bra，所以幾性感！（驚走光？）唔擔心！我做足安全措施！（好搶鏡喎！）佳麗先係今日嘅主角，焦點應該放喺佢哋身上！」而姚佳雯表示不介意被賴琳恩搶「峰」頭：「大家路線唔同，好難比較！（睇好邊個？）（15）同（18）啦，有人話我似（18）添！（佢大胸啲喎！）如果我戴兩個Nude Bra都會好大胸！不過我當年冇戴，係真材實料，而且大會規定唔可以戴兩個Bra！」另外，Ana R.表示其審美準則是Natural Beauty（自然美），並笑言不應因貪靚而整容。
