入行短短一年多的麥家瑜（Keeva），憑甜美笑容吸引大批Fans支持，每次出席活動均獲Fans舉牌大叫，令她非常感動：「其實我好多歌迷都係學生，只要佢哋放假或者得閒嚟支持我唱歌，就已經好開心喇！」過去的生日及聖誕節，甚至情人節，歌迷均會送上大大小小的禮物冧偶像，而她戴上的白色Headphone正是其心頭好，她說：「上年生日，歌迷同我一齊去麥當勞搞生日會，可能佢哋知道我要錄歌準備出碟，就夾錢買呢個Headphone送畀我，真係好開心！」Keeva表示Headphone已成為她的隨身物品，她不時會用來聽Demo或最新購買的CD，而歌迷見到她「得物有所用」亦感到相當開心。
