喜好題

問：男人最惡頂嘅壞習慣？

答：留長尾指嘅指甲唔剪嘅男人係最難頂，因為佢哋留長啲指甲係用嚟「撩」鼻屎同耳屎，就算幾靚仔，睇到隻長指甲，做呢啲核突嘢都想反胃。

解碼：Emily不會被外表「靚仔」蒙蔽自己，所以各位有「特別癖好」的男士，請不要怪責Emily敬而遠之啦！

生活題

問：着鞋唔着襪點睇？

答：呢個年代男仔着鞋唔着襪都變咗Fashion，反而女仔喺夏天好多時都着露趾高踭鞋或涼鞋，就應該注意腳嘅衞生，所以我會定時去修甲同搽指甲油，如果啲腳甲圍晒黑邊，着幾靚嘅高踭鞋都冇用！

解碼：好多女仔只識扮靚，但就未必注意到個人衞生，但Emily絕對係要靚要潮仲愛乾淨的「美少女代表」。

習慣題

問：入睡姿勢？

放大圖片	Emily自爆愛攬枕頭，看來她是缺乏安全感。

答：我習慣向右邊打側身瞓，而左腳會向上屈曲，雙手會攬住另一個枕頭，呢個甫士應該十多分鐘就會瞓着啦！

解碼：抱攬枕仲要攣弓蝦米，睇嚟Emily好缺乏安全感？

健康題

問：有冇試過便秘？

放大圖片	Emily喜歡食蔬菜，故沒有便秘煩惱。

答：真係好少便秘，每日都定時定候有得去，出Trip有時會兩日先去一次，可能同啲水質有關，嗰排自己就會狂食生果同食少啲肉。

解碼：Emily飲食方面都幾均衡，識得少肉多菜，除咗冇便秘嘅煩惱，仲Keep到Fit添。

假設題

問：見到自己最好朋友嘅男朋友拖住另外一個女仔行街，會唔會向好友告密？

答：又未必會，但會嘗試向好友男友旁敲側擊了解吓，亦會「監察」住佢男友，當然如果真係「偷食」我一定踢爆佢，唔會幫佢隱瞞㗎。

解碼：Emily處事好冷靜，避免一時衝動變成「好心做壞事」，她明白感情是兩個人的事，做旁觀者適當時先好出聲。