近年以部頭形式跟無綫合作的黎耀祥，去年勇奪「最佳男配角」時，無綫已希望將他收歸旗下，今年他憑劇集《巾幗梟雄》的「柴九」鐵血角色贏盡民心，成為視帝頂頭大熱，有傳無綫欲以獎項逼他「就範」成為自己人！

「人工同以前差唔多」

祥仔坦言一直有跟無綫傾新約，但雙方仍在僵持：「大家都知我比較鍾意自由，而且仲有好多細節嘅嘢未傾掂，不過完全唔關錢嘅問題囉！」雖然他未有得獎籌碼，但對奪取視帝信心十足：「當然想攞獎啦！自己都好有信心，呢個係每一個喺電視台做嘢藝人嘅心願。」雖然他憑「柴九」人氣急升，但他坦承薪酬跟以前分別不大：「我同無綫張舊約都未完！當然每年都有少少人工加，但同以前差唔多！」

祥仔架上黑超提款，仍被不少途人認出。

黎耀祥去年勇奪「最佳男配角」，未知今年能否再下一城？

另外，祥仔日前於中環櫃員機提款，只見他攞錢後即細心地點算，然後放入銀包，當他途經報紙檔時，報販即時大嗌：「柴九，你好！」祥仔即報以微笑。

文：專案組