組合HotCha與Dear Jane昨日在將軍澳一間中學宣揚禁毒訊息，HotCha成員Regen自爆曾有男友在她面前吸食疑似大麻，她說：「我見佢食緊一支好似煙嘅物體，但唔肯定係煙定大麻！」問到對方有否引誘她一齊食，她說：「咁又冇，不過我覺得朋友好重要，因為可以勸沉淪毒海嘅朋友遠離毒品！」
至於Dear Jane主音Tim則自爆排毒減肥：「我呢十日排緊毒，餐單有檸檬汁、糖漿同紅辣椒粉加水，成個人瘦晒。（女友嫌你肥？）唔係，係呢排食得太多嘢！」另一成員Jackal卻嚷着要增肥：「我之前出席活動，有牛仔褲贊助，點知我瘦到可以着女裝褲，依家低腰褲可以着到三十吋腰！」
