第三年擔任纖體公司代言人的廖碧兒表示，由香港代言人晉升為內地及澳門代言人，現更成為大中華區代言人。廣告令她在內地知名度大增，她說：「內地隨街都見到我瞓喺度嘅廣告，除咗劇集外，廣告亦令我嘅知名度高咗好多，為我帶來更多工作，剪綵同登台都多咗！」

廖碧兒收身後身材均勻，對滑溜玉背亦信心十足。

不用埋位時，廖碧兒不時遮掩胸口，以免走光。

她透露早前到美國工作，問到有否順道註冊結婚，她笑說：「依家咁興，梗係唔會結住啦！」談及收身方法，她表示只會做機，絕不節食：「節食好難忍口，尤其係朱古力，而且好傷身體，會影響日後生小朋友。」問到是否想生兒育女，她說：「我好多朋友都想生，我可以暫時幫佢哋湊住先，因為我有湊狗仔經驗。」

勸陳豪適可而止

對於陳豪最近亦以節食方法減肥，問廖碧兒會否擔心他的健康狀況，她說：「係咩？我唔知佢用咩方法喎！不過之前台慶亮燈見到佢着住古裝，面骨都係咁大舊，希望佢唔好節食到走火入魔啦！外國好多明星都節食，太瘦喇！」

另外，她表示希望出碟，問到會否擔心與胡杏兒及徐子珊比較，她說：「大家唔同發展，我希望全面啲，其實之前都有唱兒歌。」

文：影視組