歐陽震華（Bobby）被指日前在中環砵甸乍街停車場外，與車場保安員爭執。有讀者投訴不滿Bobby態度差，並指當日時租車位不足，故有管理員禁止Bobby駕車進入並着他離開，但Bobby要求移開入口的「雪糕筒」讓他等候，惟車輛阻塞通道，管理員勸Bobby離開，但他竟落車指罵，投訴人說：「佢身為公眾人物唔可以咁嘅態度，好似要殺人咁，幕前佢好正氣，估唔到現實生活唔係咁。後來有兩名警員叫管理員搬開『雪糕筒』，之後佢（Bobby）再返嚟停車場時仲好得戚咁望住嗰位管理員。」
記者致電Bobby求證，他說：「我冇講粗口，咁佢有冇講佢態度唔好先？我希望佢通融吓，畀我喺停車場外等，等有車離開時，我可以入去泊車。佢叫我走，點知唔夠三秒就有車離開，佢叫咗第二架車入去，我最嬲呢度，畀你滾唔滾先？我有落車趷佢，唔好因為我係公眾人物而針對我。」但Bobby否認召警員到場：「佢以為我報寸，所以報番我寸。（得戚望佢？）眼尾都冇望過佢！」