趙碩之、汪明荃和羅家英等昨日出席《明愛迎囍良緣宴》，見證42對長者舉行婚宴。碩之自爆日前有一位單戀者向她求婚：「個朋友話想同我喺12月結婚！（講笑？）佢好認真，真係嚇親！（拍緊拖？）唔係，佢一直鍾意我。（拒絕？）冇呀！同佢講覺得急咗少少，排期註冊都排唔切。（美國註冊？）等我有期先啦！」

戴夢夢（右起）、趙碩之和Melody到場。

劉欣宜穿上Tube Dress，性感搶鏡。

夢夢望做少奶奶

至於戴夢夢表示被相士批於2012年出嫁：「如果係真，到時就上岸做少奶奶喇！（有對象？）就算依家身邊有一個，都唔會知佢係咪真命天子！」穿上Tube Dress的劉欣宜則透露，購買此裙時不知道如此性感：「因為趕時間，着咗上身都換唔切，但自己覺得OK。」而汪明荃坦言一紙婚書甚為重要，被問到沒有穿婚紗擺酒是否感遺憾，她說：「唔會，拍戲嗰陣咩紗都着過晒啦！」談及結婚周年活動，羅家英說：「有影迷織一張地氈畀我哋，幅圖仲係我哋張結婚相。（再影結婚相？）等40周年嗰陣，我哋影番張學生相囉！」