本文重點
佘詩曼及鄭嘉穎的戀情撲朔迷離，現時兩人合演的劇集《宮心計》正在播映，緋聞再被擺上枱，有指阿佘曾承認與嘉穎發展過，但最終沒結果，阿佘昨日坦言說過的都是事實：「講過嘅嘢就係事實，不過就唔會再回應。（咁即係間接認拍拖？）我哋冇拍拖。（有報道指嘉穎避開你？）我哋好Friend！點解佢要避我！」至於鄭嘉穎則說：「我認同我哋係冇拍拖，呢樣嘢已經講咗咁耐，都唔想再講咁多。」
新劇報捷 菊姐請客
《宮》劇開播有36點，破無綫近6年開播收視，縱使被指抄《大長今》，但仍無損演員興奮心情，關菊英前晚筵開六席邀請台前幕後工作人員食飯，佘詩曼、楊怡、陳豪及謝雪心等出席，至於鄭嘉穎則沒有現身。菊姐開心地說：「冇諗過幾多錢，我哋拍呢套劇好開心，拍完有失落感，好想再聚埋一齊。」問到若收視更好會否再請客？她說：「佢哋話輪住請，套劇咁多演員，可能食飯都食肥！」
對於《宮》劇被指抄《大長今》，楊怡表示可能同樣有童年戲，大家才有此感覺，她認為劇情發展截然不同，觀眾應耐心細看，問到會否因收視理想而對競逐視后更有信心？她說：「從來冇諗過喺呢套劇攞獎，反而好想知道大家對我演奸角嘅反應點，我覺得自己仲有進步空間，得唔得獎唔在意。」至於謝雪心得悉演技獲網友讚賞，她表示很有「暖意」。
另外，同獲好評的田蕊妮，正與老公杜汶澤到印度拜會法王，她透過長途電話說：「好開心，最初監製叫我客串一集做阿佘個媽咪，我都打個突，不過監製叫我聽古仔，我聽到喊，佢畀咗好大信心我。」