21/10/2009

播放本新聞相關短片

Yumi戒男色保事業

尹蓁晞(Yumi)雖然因爆房事件而被掟入雪櫃,幸好近日成功解凍,而且仲會拍美容廣告做「復出第一擊」添!Yumi同小小So講,喺雪藏期間除咗努力減肥外,仲好積極咁去各大戲院睇戲,打發時間之餘,仲希望惡補演技喎!

Yumi:我睇咗好多戲呀!只要係大製作同有人討論嘅戲,我都會走去睇,我要Keep住Update!

小小So:嘩!你成日周圍咁走,你唔驚畀人跟咩?

Yumi:唔怕!又唔係做啲咩!都係同啲朋友睇戲之嘛!

小小So:見過鬼都唔怕黑?

Yumi:其實我之前反省嗰排,都一樣有約朋友飲嘢同唱卡拉OK,我只係做番正常人做嘅嘢啫!我唔會因為之前畀人偷影過,就連街都唔出囉!

Yumi仲同小小So講,反省期間嗰陣有唔少男仔追佢,不過佢全部都拒絕咗!因為佢話要以事業為重喎!都啱嘅,之前就係因為拍拖搞到咁大件事,依家難得可以再衝刺,小小So都希望佢好好把握機會!