十九位候選亞姐昨日到亞視大埔總台，為周六舉行的準決賽排舞，向來出位的「風頭躉」(18)劉伊心又有「新招」，排舞期間一直眼紅紅、一副愁爆模樣，她受訪時表示「周身唔妥」，追問下才透露患上感冒，加上掛念身處台灣的家人，令情緒不穩，問到有否需要看醫生？她說：「唔使！我排完舞之後，食杯朱古力雪糕就冇事，同埋媽咪星期六會嚟睇我比賽，會好好多。」

EO2倒米講錯港姐

問到(1)莫曉菲可覺得劉伊心博出位？她說：「唔會！人人都會病啦！ 佢個樣都夠搶鏡，都唔使博出位啦！（請教佢點出位？）你哋（指記者）有咩可以教吓我？星期六都選咯，我諗都係墊吓胸囉！」而上屆冠亞軍姚佳雯及顏子菲則帶備水果探班，兩人同樣睇好(15)許瑩，認為她勝在平均及擅舞。

表演嘉賓EO2被問到港姐還是亞姐的質素較高？雖然四子聲稱各有各靚，但似乎掛念港姐多些：「到時會帶領一班港姐出場……」自知「倒米」的EO2連忙更正說回亞姐。

採：影視組　攝：黎志輝