無綫今年將台慶頒獎禮押後，擺明車馬讓《宮心計》與《富貴門》兩劇的「親生仔女」夾擊柴九（黎耀祥）及四奶奶（鄧萃雯），爭奪視帝、后寶座。兩劇首集的收視相當不俗，《宮》劇平均有34點、最高有36點，打破六年來第一線劇集首播的最高收視紀錄，而《富》劇平均收視則有32點，最高有34點。雖然如此，但仍被網友熱評，《宮》劇更被指抄足外購劇、歷年收視冠軍《大長今》：「80％老翻《大長今》！」視后大熱的楊怡被指演技生硬，演得不夠奸，濃妝聲弱，與佘詩曼毫無火花，網友更指無綫想捧她封后反而害了她，網上劣評如潮，相信影響二人爭獎機會。

「希望觀眾畀啲時間」

對於《宮》劇被指抄《大》劇，監製梅小青坦言對方主要講膳食，而《宮》劇則談及四房：「唔好話我哋係抄，我哋已避講膳食，之前拍《法證先鋒》都有畀人話抄！呢啲避免唔到，但會盡量改善。」提到楊怡被批評奸不出樣，梅小青即力撐：「嗰場戲唔係佢最奸嘅戲，要到20集先開始奸，但無論批評同讚賞都會接受。」問到有網民戥田蕊妮早逝不值，在奧海城看直播的觀眾更感動落淚，梅小青笑言她只是客串：「佢聽到一定好開心，觀眾唔捨得可能係角色討好。」至於楊怡則坦言「路遙知人奸」：「其實本身係好人，形勢所逼先變奸，尋日只係惡鬥嘅開始，希望觀眾畀啲時間，有批評係好事，但我寧願收視好多過攞獎。」

另一主角佘詩曼與陳豪昨日出席《天與地》拜神活動，對收視報捷感開心。提到抄襲一事，阿佘笑說：「一拍宮廷戲就係咁講，我哋個戲豐富啲！（網友話你冇突破！）第一集啫！耐心啲睇落去。」陳豪亦坦言對佳績感開心：「其實兩套劇嘅質素都好好！（畀人話抄《大長今》喎！）我哋畫面同構圖都好好！」

另外，郭可盈前晚缺席台慶亮燈，她解釋因血壓突然偏低，加上有輕微頭暈，無綫亦非常體諒。提到簽約換獎傳聞，可盈即時否認：「依家專心安胎，但唔排除將來有合作。」