事業如日中天的Angelababy，自今年4月以傳聞價500萬元簽約日本經理人公司avex後，即成為當地時裝品牌的新寵兒，走勢相當凌厲！向來被封為「o靚界女神」的她，前晚獲日本傳媒改封做「香港女神」，更為當地大型時裝騷Tokyo Fashion Week打頭陣，率領24名模特兒登場，連同場的日本名模土屋安娜亦被迫「坐歪」，並與有份行騷的日本紅星中村獅童合照，認真威水！

今年9月曾為Tokyo Girls Collections行騷的Baby，是次獲安排打頭陣，明顯「升呢」！身穿設計師Suzuki Takayuki設計的米白色雪紡連身裙的她，以一頭鬈髮登場，散發濃濃女人味，雖然同場不乏身材高挑的模特兒，但Baby十分淡定，自信十足。她表示在日本已有多次演出經驗，故並不緊張，反而相當興奮。行騷後，她在後台接受傳媒訪問，全程以日語對答，更被稱為「香港女神」，成功跳出「o靚界」！

淡定Sell高貴

在場的經理人Kim大讚Baby進步不少，她說：「我覺得佢今次進步咗好多，好淡定，步法好輕。今次個Show要Baby表現高貴一面，唔似TGC走可愛路線，我以前都以為佢只係行到可愛路線，但今次證明佢高貴又得、可愛又得。」Kim更為「o靚模冇得行大騷」之說作出大平反：「唔好再話o靚模行唔到大騷，依家Baby就行畀佢睇！」

行騷前一日，Baby偕Kim及avex同事欣賞Beyonce演唱會，情緒高漲，更High得跟着拍子起舞，當Beyonce向已故巨星米高積遜致敬時，她不禁感動落淚。另外，Baby今日與熊黛林飛往上海拍攝賀歲片《花田囍事2010》，預計下月完成。

Baby欣賞Beyonce演唱會時十分投入，又跳舞又Fing螢光棒。

行騷後，Baby以日語接受當地傳媒訪問。