在今屆香港小姐奪得「最上鏡小姐」的袁嘉敏，對皮膚保養當然自有一番心得，她說：「我每次洗完面都唔會即刻搽護膚品，反而會噴一陣保濕噴霧先，等水分完全吸收晒之後先會再搽其他嘢，咁做係因為洗完面之後會好乾，保濕噴霧含有礦物質，可以等皮膚吸收啲，咁就唔會嘥咗啲護膚品啦！仲有我日日都會搽SPF 50嘅防曬，如果去海灘就更加會補多幾次防曬。」
切勿日日敷Mask
問到如何選擇面膜？她認為日日敷Mask只會令皮膚過分依賴：「咁樣會令到啲皮膚懶晒，20幾歲嘅女仔就更加唔應該日日敷，咁會搞到一唔敷，皮膚就會差晒。而且市面上有部分Mask有太多化學成分，所以我覺得休息多啲已經好OK㗎喇！」