曾踏足多個地方旅遊觀光的區永權（Albert）表示，令他最難忘的是馬爾代夫：「我哋揀嗰度度蜜月，雖然住咗四晚，仲要冇乜買嘢，但都使咗六萬蚊，真係幾貴！嗰度食飯使美金嘅，普通一個鰻魚飯要成百幾蚊。」

放大圖片	區永權在新西蘭的長灘上滑坡，有如衝浪一樣，令他嘖嘖稱奇。	馬爾代夫的陽光與海灘，令區永權與太太度過愉快的蜜月之旅。

跟外父旅行團

他透露馬爾代夫除環境靚外，感覺亦Relax：「嗰度陽光海灘冇得頂，連我老婆唔識游水都話好玩。我哋住嗰個島叫『One and Only』，嗰度得一間Resort，仲要住嘅全部都係水上屋，好特別！而且嗰度好大，就算去餐廳食飯都要踩單車先去到。」

至於新西蘭，Albert則笑言去過數次也不覺得悶：「新西蘭係我老婆成長嘅地方，為咗更加了解佢，所以我上年同埋未來外父、外母去。因為外父好熟當地，所以精心幫我安排咗個『外父旅行團』，節目仲精彩過跟團，我未試過自己去旅行都要五點起身，哈哈！」

談到在當地的難忘經歷，Albert坦言多不勝數：「嗰度鳥語花香、空氣極好、陽光又好。除咗探咗當地好出名嘅羊之外，我去咗一個被譽為全世界最長、90公里嘅沙灘，就算坐旅遊巴都要成個鐘先行得晒。而去到其中一個高少少嘅地方，外父竟然拎塊滑浪板出嚟，叫我坐住衝落去，好似衝浪咁，好刺激！另外，嗰度仲有個硫磺溫泉，只要丟塊番梘落去，啲水可以噴到幾層樓高，令人嘆為觀止！」而Albert透露日本輕井澤除了是拍攝結婚照的好地方外，還是掃貨的最佳選擇。

文：專案組