許志安食字大師

從馬來西亞返港的許志安，在機場撞正大批守候城城及Lynn的記者，他陰陰嘴笑說：「哦！十月圍城吖嘛！」

解讀：安仔用電影《十月圍城》形容Lynn每年十月都「攻城」，咁都諗到，難怪佢沾沾自喜。

傅穎攬晒上身

為咗一份合約搞到滿城風雨，傅穎收金牌大風律師信後將責任攬晒上身，毋須新公司承擔：「自己解決到會自己解決！」

解讀：傅穎唔止外形抄足日本妹，仲學埋「阿信」嘅委屈樣，真係我見猶憐。

陳輝虹咬實唔放

傅穎發聲明要求與金牌解約，陳輝虹直斥：「Theresa嚴重違約，同重婚無異！」

解讀：傅穎02年簽約金牌，想不到與情侶一樣難抵「七年之癢」！

周秀娜認衰自嘲

周秀娜和莊思敏錄影遊戲節目突然老友，周秀娜自嘲說：「外星人唔識地球，去咗地球就要搵地球人（莊思敏）帶住！」

解讀：周秀娜以退為進，果然醒目！有莊思敏帶住即時「升呢」。

Lynn堅持自我

被問到是否想確定城嫂地位？Lynn說：「我想做番自己囉！」

解讀：Lynn經常主動出擊，打破一般女性愛矜持形象，堅持做自己。