昨日「舊邦民女」羅凱珊（Kama）出席公司宣傳活動，她表示會向學員分享做Model的喜惡，問她如何教導她們面對負面新聞？她說：「其實Model都好少面對傳媒啫！（都唔係喎？）咁我都係入行先識，我都要請教Mandy師姐。」追問她如何教學員減少是非？她聽罷竟突然公主上身大發雷霆說：「如果咁講我真係唔識講喎！」言畢轉身走人，記者叫她並表示若有學員如此發問她，豈能不懂回答？她再寸爆說：「咁我真係唔識答喎！睇吓公司有冇需要囉！（公司有冇教你點面對傳媒？）暫時未教喎！」其後派單張時又刻意不走向記者群，並向高層指手畫腳投訴記者，大牌行徑令人咋舌！至於莊思敏也忍不住揶揄說：「發脾氣？咁教出嚟啲學員咪好有性格？要尊重所有人，如果令人唔開心就要道歉。」她又直指Kama是另一個星球的外星人，並暗寸說：「佢係我師姐，我唔敢冒犯佢！」