出道三年的跳舞組合HotCha，一直以來由Regen、Crystal及Winkie組成，為令歌迷添新鮮感及令組合進步，HotCha連日來密鑼緊鼓招攬新成員，除踩上舞蹈學校挑選外，更到九龍塘街頭派傳單，慘吃檸檬的Winkie說：「今次呢個招募比賽，都係想叫多啲人一齊跳舞，男女都冇所謂，只要有興趣、有天分嘅人都可以嚟參加，甚至一大班人都得，冇話要揀幾多個，有興趣就嚟玩吓啦！」假如新成員像瑤瑤一樣擁有F級「巨乳」又如何？Crystal坦言不介意：「如果個胸唔阻住佢跳舞就得啦！」Regen更說：「但係個胸一定唔可以大過我個頭！最好男嘅似古天樂，女嘅最似林志玲啦！」

瑤瑤近期人氣急升，HotCha大讚條件好。

HotCha到舞蹈學校派傳單，招募新成員。

情同姊妹

女子組合向來予人感覺多是非，就如前Cookies成員傅穎和鄧麗欣經常隔空互寸，但HotCha多年來感情深厚，更情同姊妹，可擔心被新成員搶風頭？Crystal說：「如果佢比我哋更叻、跳得更勁咁仲好，可以令我哋進步。」

文：音樂組