草蜢將於下月20日及22日分別假北京及天津舉行巡迴演唱會，三子近日除了四處遊覽拍照外，亦忙於亮相各電視台節目宣傳。其中一次草蜢化身「美男廚神」大顯廚藝，蔡一傑表演煮番茄蛋，蔡一智則炮製辣椒蝦，而蘇志威則扮男版「美味天使」，為傑仔及阿智遞碗落鹽當助手。

自誇有條「皇帝脷」

別小看傑仔與阿智一介「舞」夫，原來煮餸確有一手，兩兄弟不消廿分鐘便完成兩款美食。現場嘉賓及觀眾試食後均讚不絕口，傑仔說：「我同阿智十幾歲已經自立識煮飯，煮咗廿幾年當然有番咁上下！」傑仔還自誇有一條「皇帝脷」，不會隨便放食物入口：「我最鍾意四圍去朋友屋企試菜，一食就知係咪加少咗糖或鹽，真係好犀利㗎！」問到可有興趣開私房菜？傑仔直言是個好提議，因私藏不少巧手小菜，如豉油雞及煲老火湯等。

至於阿智雖有家室，但因愛下廚關係，故太太結婚至今仍是「無飯主婦」。問到蘇志威為何不表演廚藝？他沾沾自喜地說：「使乜自己落手咁辛苦呀！我老婆（劉小慧）煮餸好叻，翹埋雙手就有得食。」

文：音樂組