劉心悠外表雖然斯斯文文，個樣睇落又好似唔多鍾意講嘢咁，但其實佢份人好百厭，真係睇唔出。
有日小小So探心悠班，佢唔使埋位嘅時候掛住打機，又走嚟走去冇時停，在場嘅男士都唔夠佢好動，見佢玩得好過癮，興起仲爬上條木做嘅梯度，話要試吓「人望高處」嘅感覺，仲一路講一路扭嚟扭去，結果爭啲叉錯腳跌落嚟，嚇到佢當堂眼都凸埋，過程好驚險！
之後知驚嘅心悠即刻好乖咁落番嚟，仲做出扮喊嘅表情，又扁晒嘴咁返埋位度「發呆思過」，見佢咁可憐，小小So諗住安慰佢幾句啦！點知佢即刻變番好心情，仲問小小So有咩遊戲玩添！真係寫個服字畀佢！