鄧紫棋昨日舉行記者會，宣傳下月二十至二十一日假九展舉行的處女騷《G.E.M.18 Live 2009演唱會》，對於演唱會，她坦言十分緊張，會加緊排練。演唱會更邀得側田擔任嘉賓，問她與側田有沒有火辣演出？她即笑說：「有火花就冇問題！（趁機除佢頂帽？）哈哈！」

G.E.M.與Ella（左）同台Jam歌。

G.E.M.獲唱片監製送上新唱片。

對於有報道指她怒飛男朋友「嶺大陳奕迅」Aaron，G.E.M.面紅紅回應，堅稱與對方仍屬朋友關係：「我驚佢唔肯同我做朋友！成日累佢見報！」問到經常拍得她出入對方寓所，她說：「前排病咗，又忙籌備演唱會，都少咗去佢屋企。（有冇過夜？）冇得過夜啦！媽咪唔畀。」

Ella抱病獻唱

另外，前日G.E.M.於《勁歌金曲》中與官恩娜（Ella）對唱，帶病上陣的Ella工作不斷，昨日又與鄭融出席校園活動，Ella說：「因為病唔可以出聲，驚啲人以為我呢排人氣紅咗啲，態度就變差。」

文：音樂組