模特兒金希桐由一名普通OL，搖身一變成為廣告女郎，面對工作性質的突變，又要捱更抵夜，但她依然無悔闖模界。
外表斯文的金希桐（Annabelle）當了模特兒兩年，最初她在街頭被模特兒公司發掘，由兼職的玩票性質開始，後來工作愈接愈多，其後她毅然辭去原本穩定的OL文職工作，全身投入模界，她坦言初時頗難適應工作突變：「以前工作時間好穩定，返朝九晚五，依家時間自由啲，但要日日等工作。」
雖然工作不定時又要等開工，但Annabelle依然無悔，她覺得每個Job也是挑戰。提到最難忘的經驗，莫過於要經歷最冷及最熱之苦，她說：「有次拍廣告，我要着住好厚嘅戲服，因為要現場收音，唔可以開冷氣，簡直好似蒸籠咁！另外一次係影婚紗目錄，一日要影70件衫，全部都係露肩低胸款式，當時又凍，仲要吹住風扇造效果，我一邊影一邊流鼻水！」雖然過程辛苦，但她仍樂在其中：「我係一個鍾意嘗試嘅人，模特兒工作令我有好多不同體驗，滿足感好大！」
姓 名：金希桐（Annabelle）
身 高：172cm
體 重：50kg
三 圍：34、24、35
生 日：9月16日
籍 貫：上海
曾拍廣告：安信、AIG及Missha等
文：陳嘉敏