鄧麗欣（Stephy）前晚以一身黑色打扮出席26歲生日派對，獲緋聞男友方力申（小方）、好友吳雨霏、「餅碎」Angela及小肥撐場，但未見同公司的梁漢文、「太子」鄭中基、CEO陳輝虹及黃栢高。小方以男主人身份首個到場，在記者要求下作狀擁抱壽星女，當叫他吻賀對方時，他即說：「咁益我？」

Stephy生日吸引不少傳媒採訪，看來是最大賀禮。	生日會上，Stephy獲好友撐場，難怪開心地晒V。	放大圖片

問到二人度過多少年生日？小方詐傻說：「唔記得！」不過Stephy卻冧爆搶答：「3年喇！」記者恭喜二人「已3年」，小方即說：「你哋太夾硬喇！」由於二人同樣穿上黑色衫褲，Stephy更再度發功：「佢特登襯番我！」問到為何不請傅穎（Theresa）？Stephy竟將責任推在朋友身上：「今次係朋友幫我搞，唔知請咗咩人。（今晚測試人緣？）係，好大壓力！」提到生日願望，她坦言希望「唔好再咁多是非」！

槍口一致 拒提傅穎

對於公司金牌大風跟Theresa的合約糾紛，二人亦默契地不欲多談，小方更劃清界線說：「唔關我事！」Stephy則說：「以我所知，雙方已交由律師處理，局外人唔方便講太多！」據知，小方與Stephy雖然是圈中公認的一對，但他們出席私人派對時從不做出親暱行為，不過前晚小方全程黐實壽星女，連切蛋糕及吹蠟燭都陪伴左右，而Stephy則滿場飛任人隊酒，玩至凌晨2時才盡興回家。

文：音樂組 攝：鄭家俊