面對十幾二十歲o靚模來勢洶洶，個個後生又靚女，唔少資深模特兒或多或少工作都受到影響，不過都有例外，就如周汶錡（Kathy）喺行內仍然好吃得開，最近拍廣告又頻頻出席活動，工作不斷，不過，唔知係咪眼見唔少同行都有機會拍MV，佢同小小So講都心郁郁想拍埋一份。
Kathy ：其實我想拍好耐，問過身邊好多模特兒朋友，個個都拍過MV，淨係得我未拍過。
小小So ：真係從來冇人搵過你？
Kathy ：有一次試過鏡，但咁啱時間夾唔到推咗。
小小So ：係咪想做一次浪漫情歌嘅女主角？
Kathy ：唔係喎！我唔想成日咁女仔，我鍾意快歌，想試吓跳舞，跳Hip Hop都得。
小小So ：有冇諗過自己唱歌出碟？
Kathy ：咪玩啦！
原來唔一定係o靚模先至進取主動出擊搵嘢撈，Kathy呢位前輩都好進取吓！