雖然梁嘉琪入行只有短短數年，但已擁有不少Fans，他們更會不時送禮物冧偶像，其中最叫嘉琪感動的是，一名Fans參照她在《學警狙擊》中的女警造型，縫製出一個布娃娃，連膊頭的「冧巴」亦跟她在《學》劇中一樣，認真形神俱似。
除了有Fans自製布公仔冧嘉琪外，還有一位正義的男Fans，經常寫信提點她：「試過有個男Fans寫信畀我，不過唔係示愛嘅情信，而係提點我工作上好同唔好，我唔開心又會開解我，呢啲Fans好難得o架！我嘅Fans由十幾歲至三十幾歲都有，男、女比例係三、七之比。其實都有好多女仔鍾意我，不過我有時因為太忙，未必個個Fans嘅信都會回覆，但我盡量喺網上留言，而且TVB都幫我開咗個Blog，令我有多個途徑同Fans溝通！」 文：影視組
