容祖兒昨日以代言人身份出席MIOGGI發布會，她以一襲露背連身裙上陣，由於夾口位頗大，當她舉起手時，隱若露出肌膚！祖兒笑言已做足安全措施：「唔係邊有咁好身材！（睇到啲肉？）有嘢睇都應該嘅！」

祖兒連身裙的夾口位頗大，舉手投足都要小心。

阿詩施展渾身解數，粉絲High爆而歸。

祖兒日前欣賞何韻詩演出，對方向她唱出歌詞「一見動心」，當記者覆述事件時，祖兒說：「好想嘔！唔好對住我講呢啲嘢！」記者追問是否阿詩講就得？她即不停冧笑。問到是否冧住走？她說：「你死啦！個騷好睇梗係令人回味！（佢向住你唱情歌？）我個方位盡覽全場！（你跑番埋位聽歌？）去咗廁所已經對佢好唔尊重！」問到開騷可會請阿詩做嘉賓？她說：「我同佢喺05年合唱過《隆重登場》！（冇喎！）有，你哋返去搵相啦！」

陳文媛獨自撐場

另一邊廂，阿詩前晚在台上感謝黃偉文時落淚。問到是否向祖兒唱情歌？她說：「唔係，黐線！（珍惜佢？）珍惜每個有嚟嘅人！」對於好友傅穎是非纏身，她亦有鼓勵對方：「佢係一個多愁善感嘅人，灌輸好多正能量畀佢！」而另一好友陳文媛則獨自捧場。