今年特別多搞作的亞姐競選，昨日又集合一班佳麗進行才藝表演比賽，為爭取曝光，眾女傾力演出。本身是跳舞老師的許瑩，特別請來內地跳舞高手拍檔表演華爾茲，憑着卓越舞技順利奪冠，但因動作太大，表演時竟露出桃紅底褲及疑似露毛！她接受訪問時堅決否認走光：「唔會喎！條裙度身訂造，我仲有着安全褲。」當提到桃紅色底褲時，許瑩大感愕然，強調是視覺上誤會：「冇呀！應該你哋睇錯。」

王希瑤又缺席

除了許瑩外，(13)蘇海琴、(20)董汶宜、(14)何卿及(18)劉伊心亦落力為賽事添「鹽花」。表演肚皮舞的蘇海琴及董汶宜俯身齊齊露Nude Bra，動作同樣生硬，手部比肚皮郁動得更厲害；表演西班牙Flemenco舞的何卿俯身時一度出現倒奶盛況；身穿Tube Dress表演魔術的劉伊心亦一樣狂拋胸。雖然出盡板斧騷身材，但仍不敵表演朗誦的(10)王晨與表演彈琴的(6)盛安，分別憑「悶爆」表演奪亞、季軍。問到未能奪獎有否失望？劉伊心即扯開話題，表示滿意造型似芭比，又突然澄清上圍沒有36吋：「我得32D咋！如果真係36吋，個胸仲大過屁股囉！」

(1)莫曉菲與(2)王希瑤均因病缺席，亞視公關表示兩人已出示醫生紙，故不會特別處分：「王希瑤前後缺席咗三次，今日缺席係因為氣管炎、發燒同咳，至於莫曉菲係第二次缺席，我哋驚佢哋傳染其他人，先叫佢哋休息。」

蘇海琴及董汶宜表演肚皮舞，但肚皮未見擺動。	董汶宜	何卿表演西班牙舞，順道凸顯美好身材。

另外，網上近日流傳一段疑似今屆亞姐廣西賽區落選佳麗的全裸沖涼自拍影片，亞視高層葉家寶透露看過該輯照片，目前仍在核實對方身份。

文：影視組